നിര്‍ഭയo

നീ തനിച്ചായിരുന്നില്ല.
ഒരാണ്‍തുണയുണ്ടായിരുന്നു,
അന്ന് കൂടെ.
കണ്ടു തീര്‍ന്ന സിനിമയെ-
ക്കുറിച്ചായിരുന്നോ,
അപ്പോള്‍ സംസാരം?

നേരം ഒരുപാടിരുട്ടി,
ആളൊഴിഞ്ഞ നിരത്ത്,
മേഘങ്ങളില്‍ മുഖമൊളിപ്പിച്ച്
ഇരുട്ട് പടര്‍ത്തിയ ചന്ദ്രന്‍,
മങ്ങിക്കത്തുന്ന തെരുവുവെളിച്ചം,
വ്യാഖ്രമുഖം പോലെ രാത്രി,
പേടിയുണ്ടായിരുന്നില്ലേ,
അപ്പോഴും?

പാഞ്ഞു കിതച്ച്
മുന്നില്‍ വന്ന
ഒരു പാസഞ്ചര്‍ ബസ്‌,
ആശ്വാസമായി തോന്നി,
അല്ലെ?
ഉള്ളില്‍ കയറി
ഇരിപ്പുറച്ചപ്പോള്‍
കണ്ടത്, മദ്യം മയക്കിയ
പുരുഷമുഖങ്ങള്‍ മാത്രം.
പേടിച്ചില്ലേ നീ, അപ്പോഴും?
ഓ,
കൂടെ അവനുണ്ടായിരുന്നല്ലോ?

പിച്ചിച്ചീന്തി വഴിയിലെറിഞ്ഞ
നിന്നെയും അവനെയും,
കണ്ടത് ആരെന്നറിയില്ല.
ആരോ, ആശുപത്രി, സഹനം.

ഇടയ്ക്ക്
ചോദിച്ചിരുന്നുവല്ലോ?

അവരെ പിടിച്ചോ എന്ന്?
അറിഞ്ഞിട്ടെന്തിന്?

മുപ്പത്
വര്‍ഷങ്ങള്‍ക്കിപ്പുറവും,
ഇന്ദ്രപ്രസ്ഥത്തില്‍,
മാറാതെ നീ
ആവര്‍ത്തിക്കുമ്പോള്‍,
മറ്റൊരു രാജ്യത്ത്
നീ മിഴികള്‍ അടയ്ക്കുമ്പോള്‍,
ഞങ്ങള്‍
കരയുന്നു, കെഞ്ചുന്നു
ദൈവത്തോട്,
ഇനി അരുതേ,
ഇനിയെങ്കിലും.

നിസ്സഹായയാണവള്‍,
നിര്‍ഭയയെന്നു പേര് മാത്രം.
പ്രാര്‍ത്ഥനകള്‍
ഒടുങ്ങുന്നില്ല, പ്രതിഷേധങ്ങളും,
ഇനിയും ഇതാവര്‍ത്തിക്കും,
എന്നറിഞ്ഞിട്ടും,
പാഴ്ശ്രമങ്ങള്‍.

ഇനിയിതിനെന്തു പ്രതിവിധി?
എന്തൊരു വഴി?
ദൈവമേ, രക്ഷിതാവേ,
എല്ലാം നിനക്ക്  മാത്രം,
ഞങ്ങളാല്‍
കഴിയാത്തതെന്തും,
കഴിയുന്നവന്‍ നീ മാത്രം.
വരും ജ്യോതികളെ
നിര്‍ഭയമാക്കാന്‍
ശക്തി നല്‍കൂ,
ഇതാണ് പ്രാര്‍ത്ഥന,
അപേക്ഷ.

Comments

babu naren said…
ithil kavithayundu....
neerunna oru samoohya prashnavum..bhaashayude othukkakkuravum flowlessnessum undu. enkilum minikkiyeduthal nalla kavithayakum...
really u r a geneous...
ezhuthikonde irikku ,theliyum..

Popular Posts